Ini nga duha (hi alex butnga)
Hello Ray kumusta na
Ikaw ayaw kabaraka
Aton mga ero-estorya
It tumuod bahala na.
Ako nagsususumaton
Bisan la waray baton
In ak dughan intawon
Nalikay dara hin rason.
Hi Ed ngani bisan harayo
Naghihinay hinay tipaluyo
Kasing-kasing kon mahimo
Nabiling paagi hin maniguro.
Classmates ayaw pag alang
Panginano hit nakakaulang
Labi na it waray mga salang
Kita ngatanan masamurang.
Ed, ayaw gudman kalimti
Pasalubong nga talagudti
Upaya bangin may makabati
May pinaurog ka ada dinhi.
Segurado na kamo ngadi?
Kay hi Alex an imo padi
Nagtikang-tikang na pangadi
Nga di mabalaong iyo biyahe.
Kami diri mareklamo
Ayla kalimti tam hangyo
Imo dara nga mga pabango
Ayaw updi han mga magbaho.
Uy Ray, an aton sabot
Upaya pamurubuot
Ayaw pagsering ambot
Pwede ka man lumusot.
Imo claim di ak natuman
Pero waray kamatuuran
Di man angay kabark-an
Sekreto di ko ig yayakan.
Balitaw, ay gad kaalarma
Ini akon intremes la
Baman hi Ed kon aada
Hit mga jokes sige la tawa.
Sering mo hadto pa dapat
Ako angay nagsinurat
Di ka la maaram ak binuhat
Han kaiha nga paghinulat.
It panahon pirme may buwas
Kita ngatanan magkakalalagas
Danay kuno makangangalas
Maupay na la kontra hit padlas.
Takay sugara ta la anay
Ako anay mapahuway
Kay niyan mahinay hinay
As usual, pagpinasaway.
Dear classmates:
This "siday" was supposedly intended for fun
during the reunion 2009,
but i wasn't able to make it,
hence posted for archive.
*Pinky*
Poetry Ad-Free Upgrades
Vote for this poem
Please Comment On This Poem
|
|
|
|
|
pinkgem |
|
|
|