Bileez me contry wey ah baan, gat lata smaat uman who dah
raitaz, teechaz, ners, dakta, biznizuman ahn jos bowt eni
kain a uman. Maach da di mont wi big op di
uman dehn da Bileez ahn aal oava di werl.
Tuday ah wah big up wah poayem weh wan ah
me contry sistah she rait.
She dah wah Beleez baan gyal like meself.
Uno pleez welkonhn Mz. Jacklyn Burns.
Shee da wah teecha, wah ripoata, ahn wah Ma.
She dah wahn gud gud Bileez uman.
Enjai disya poayem den.
"Kriol Uman" by Jacklyn Burns
Push, push haada! Di baybi di kohn.
Weh di pa deh?
Da "Baro Fino" di jrink rom
boo, hoo, hoo, pikni di krai
Pa di snoar; mami kyaahn shut ih aiy
Dina di kuk, laanjri pahn lain di flai
Mami di wori
Bot shee wahn aalwayz chrai
Fi schrech di laas dala
Az tin az Kaayo pipl torteeya.
Shap bil deh fi pay
Ahn mami noh "malpago"
Eevn if shee hafu kortayl
Di beenz ahn figet di rikaado
Sondeh dina rich az eva
Rais ahn beenz, chikin wid salad
Serv wid wahn smail,
Bot Dadi laiyad.
Laas nait hihn neva kohn hoahn ataal
Mami feel laik schres di jraiv ahn op di waal.
Bot shee push aan non stap
Laik bos op di Homingberd Hilz.
Kaaz Mami neva looz.
Fi shee schrang wil.
Hmmm … roach di flai; paip di leek
Di washstan fut krenki; wat a week!
Bot Mami git op ahn need di Kriol bread
Kaaz shee stil alaiv
Ahn da noh taim fi ded.
•·.·´`·.·•·.·´`·.·•·.·´`·.·•·.·´`·.·•
This poem is written in the "kriole" dialect of my country, Belize, Central America.
It is commonly spoken amoung the Belizean people, country wide, as a second language.
The month of March in my country is the
month in which we emphasize the important
roles of all strong women in every respect.
