Evenin faamli, frenz ahn naybahz.
Ah wah big up mi sistah ina Geezus, Mizz Lilla!
Shi dah deh nicess sistah in deh wurl. Ah lik shi cool vibes bad bad!
Hope yu feelin iere
Dah how di wedah di grab yu whay up yandah dah faren, huny bun?
Tenk Gad, Jah, Amity wi gat we strent ahn helt disya day!
Disya tym ya mi wah rap tu uno bout mi contry favarit foklur-
"Nansi Stooriz."
Paat 1.
Fram mi ahn mi sistahz ahn breddahz dah mi chun chu pickneyz
ahn up to wen wi mi nee hi tu wah graashappa, wi Maami kip wi
in chek wid fi he jokey stooriz dem. Ye neva haffi uzz wi Pa
ledah straap tu muuch. Wi waak dat dey chak line straat az wah pin.
Wi neva wah get ah tu vex cazin ye wuddah mi staap tel wi 'Nansi'
stooriz. Dig?
Ye mi gat wi wel traan ahn y brib wi up sumtymz wid dey stooriz
dem. Ye cuda mi get wi fi do anyi ting fi ah.
No ax bout nite tym fi jump ina wi bed! Wi aiyz dey di shut
down ina wi hed but wi di baal fi wi 'Nansi' stooriz.
Wel sah, we uzz to heg wi Maami nervs fi go dah wi bed fram wi
see tee tym cong round ahn we don feed wi potliker dags.
Wi pickneys uzz to gabble down wi johnny cake ahn fri beenz
ahn lick wi plates dem cleen faastah dan yu cud sey,
"granpa Polin di cong". Ah no di trick uno pple.
So wen ah tun wah Maami, ah carri ahn fi shi stile ahn dah so
mi sistahz ahn breddahz dey aparate 'til up tu disya day wid
fi dem lee gran pickneys.
Dem dah mi di bestest tymz ah cud memba ina mi yunga daaz,
uno yere mi now?
Ah mizz dehn deh tymz deh bad bad, but ah tri ahn do mi bess wid
mi oon tu datahz ahn mi foo lee grans.
But tym di fli ahn ah no staat disya stoori good yet, man.
Mek ah tri dun wid uno bout Hanansi ahn how ye mi stand.
Sum ah uno no noo, but ye dah mi wah lee lee adinary spidah.
Ye mi unly triky ahn liad bad bad! Ye cud dah lie rite fronta
yu fase ahn yu wudah beleev ah. Ye mi sli like Hell.
Ye fingas dem mi unly stiki stiki lik glu, Mzz Laadi!
Yu tun yu hed wah sekun ahn ye dun tiff yu ting.
Ye mi tink sey ye smatah dan all di adah crechaz ina di
jungle kigdum.
Ye mi uzz tu ack jus lik ye gaan dah skool ahn gat buk lawning
like no bady biznez.
Soh dat dey leel spidah uzz to lik play dutty triks pan ye adah
poo fren dem. Ye mi fa'as tu ahn ye run aff ye lang lip bad.
Ye ker ahn brig gassip jus lik uman. Ye mi lik yere ahn sey-sey
bout. Dah lee bugga!
Ye tiad get ye hide whap up fi ker ahn brig gassip tu pple.
Ye dres up ina shut ahn pants ahn sports round ian nek ti aal
day lang. He uzz tu strut bout like massah man frunt ah di ress
ah crechaz. He twiss up he tung fi speek di ingliss man lingo
wussa dan he mi baan ina Buckinham palaas.
Looku yah, mek wi leff aff rite yah sotay tumarow.
Mi bed di caal mi. Mi ole bak di kill mi ya.
Ah haffi go rub up wid mi bengue.
Ah gwain lang yah den, daawlings!
Memba wey we lef aff, no?....hav a gud nite!
Hope unu feelin irie! one Love!
"If pin neva ben, 'Nansi' storiz neva en."
Note:
This narrative is shared
in the native dialect of the writer.
It is similar to the patois of
Jamaica. Each Caribbean country has
their own distictive words & style
of the dialect, spoken amoung themselves.
