SE PA KRÉYÔL, SE KRE-GLÈ
- Mwen te genyen pou'm ba'w you kòl,
Malerezman'm te trò bizi.
- Pa gen pwoblèm, nap change ròl,
Map kòl ou bak apremidi...
Men mizè ti lang nou an wi
Konpatryòt ki vle tande !
Nou pa menm ka rekonèt li
Li mèt tap gade nou nan je.
Èske se mo nou pa ka jwenn
Pou nou di tout sa nou ta vle,
Pou mete manmzèl nan lapenn
Si tèlman nou mache prete ?
Sanble gen de moun ki fè kwa
Pou yo pa janm pale Kreyòl.
Sa fè nèg sanble ti boujwa:
Moun ki pase nan gwo lekòl.
Gade monchè, ale dousman:
Diskou sila'a pa alamòd !
Sa se bagay granmoun lontan,
Men, nou pa vle bay pèsonn lòd.
Avan m'ale, men sa'm vle di:
Lang nou an se youn nan gro richès.
Bon, ou ka di m'ap bay manti
Men, zanmi'w pap bay manti pyès.
|
|
|