|
Di Man ako karapat-dapat (Though I'm not Worthy)Salita ko'y di sapat Upang sa iyo'y magpasalamat; Ngunit dinggin ang puso kong umaawit, Himig ng pananalig ang tanging isinasambit. Nakayuko ako't nakaluhod sa iyong harapan, Nakiiisa sa mga anghel at mga banal sa kalangitan; Sabay-sabay nagbibigay pugay sa iyong Ngalan, O Hesus, aking Hari magpakailanman. Di man ako karapat-dapat Na ika'y tanggapin, Wagas mong pag-ibig Iyong ipinadama sa akin. Ang banal mong dugo't katawan, Hatid sa akin ay pag-asa at kaligayahan; Kaluluwa ko'y nabubusog, masigla, Pagpipirme sa inyong tirahan ay kaaya-aya. Bagaman ako'y nagkulang at nagkasala, Ako'y iyong pinatawad at kinalinga; Dahil sa puso mong daluyan ng grasya at awa, O Hesus, aking Tagapagligtas, banal at dakila. Isinulat ni: Elena maria mana-ay Parcon Petsa ng Pagkakasulat: May 21, 2012 Vote for this poem
|
|
| |