Hindi mo man ako tanggapin
bilang ako'y ako,
Hindi mo man ako mahalin
gaya nang nadarama ko sa iyo;
Pag-ibig ko'y di na magbabago
ikaw lang sa puso ko,
Kaligayahan ko nang sambahin ka
at idambana sa buhay ko.
Wala na akong iibigin
kundi ikaw lamang,
Wala na akong iisipin
kundi ang nag-iisang ikaw;
Sa puso ko at isipan
ay nakaukit ka na,
Wagas kitang pakamamahalin
magpakailan pa man.