|
PATULOY KITANG IIBIGINKahit ano'ng gawin ko'y ayaw akong dalawin ng antok, Isip ko'y hindi mapakali, pabiling-biling sa higaan, Ano na kaya ang ginagawa mo sa mga oras na ito, mahal ko, Nami-miss mo rin kaya ako at sa pangarap ay kaulayaw? Mahirap man ang kalagayan natin sa sandaling ito, Sapagkat sa isa't isa kapwa tayo magkalayo; Subalit sandigan natin wagas na pagmamahalan, Upang sa dako pa roon magkaroon ito ng katuparan. Lagi mong asahan na pagsinta'y di magmamaliw, Anuman at sinuman ay hindi nga magiging sagwil; Patuloy nga kitang mamahalin anuman ang mangyari, Sapagkat ikaw ang kabuuan ng lahat sa akin.... Salamat sa pagmamahal na ipinadarama mo sa akin, Sa pagtitiwala at pagpapahalagang ipinagkakaloob; Kay dakila mo, giliw ko, kaya nga sumpa ko sa iyo, Hinding-hindi na magmamaliw pa itong aking pag-ibig. -SALLIE, thePoeticJournalist Toronto/080604 Poetry Ad-Free Upgrades Vote for this poem
|
|
| |||||||||||||||||||
|