Nakakatuwang alalahanin paano muling nagkatagpo,
Landas natin na noong una'y di natin kapwa pansin;
May mahal kang iba, ang syota ko nama'y si Cristy,
Kaya nakakapagtakang may ugnayan tayo sa ngayon.
Ngunit naniniwala ako na itinakda talaga ng tadhana,
Na tayong dalawa, Vivian, ay umibig sa isa't isa;
Kahit pa sabihing milya-milya ang layo natin,
Ay nagmamahalan tayo at hindi alintana anumang sagwil.
Sa buhay na ito ay sino nga ba ang mag-aakala,
Na sa dinami-dami ng tao sa mundong ito, mahal ko;
Ay ikaw ang magiging kapalara't iibigin ko ng ganito,
Tunay na kay palad ko dahil nakadaupang-palad ka.
Paniwalaan mo sana ang puso kong humihibik,
Na nagmamahal at gumagalang sa iyo, Paraluman;
Hinding-hindi na magbabago itong aking pag-ibig,
Na pangakong sa iyo ko lang matamang iaalay....