Marami ang nagtatanong, ang nagtataka at naiintriga. Ano daw ba ang nakita mo sa akin at minahal mo ng ganito? Wala daw ako 'nung meron sila so how come? Ako man sa sarili'y nag-iisip...bakit nga ba ako ang pinili mo gayong may mas nakahihigit sa akin?
Hindi mo lang batid ang sayang idinulot mo sa buhay ko, ang inspirasyong ibinigay mo mula nang tayo'y magkakilala. Ibayong ligaya ang nadama ko nang malaman kong mahal mo na rin ako...you put me on top of the world, Vivian.
Wala man ako 'nung meron sila, kulang man ako sa katangian at karangyaan pero hinding-hindi nila mapapantayan ang pagmamahal ko sa iyo. Wagas, dalisay, tunay...yan ang pag-ibig na alay ko sa iyo, Vivian. Mahal na mahal kita...ikaw lang, wala ng iba pa sa puso ko at isipan.