|
ፍቅረኞች ሲጋቡፍቅር እስተአፉ ሞልቶ ሲፈስ፣ እንዴት እንደዚህ ያለ መንፈስ፣ የመፍለቅለቅ ስሜት የሚያጭር፣ ሐሴት የሆነ ሚስጢር፣ ልባችሁ አጭቆ እንደሚያምቅ፣ ይላችኋል ድንቅ! አጥብቃችሁ ይዛችሁት፣ አትፈቅዱም ልትለቁት፣ በምትሐቱ የፀሐይ ጨረር በደንብ ለመንሸርሸር! ፍቅር ቢሆንም ስሜት የፍንደቃ ነገር ነው ቶሎ የሚነቃ - እንደ ድርጭት ክንፍ መሳይ፣ ወይ እንደ ሸረሪት ድር በዳመና አልባ ሰማይ! ለዘላቂ ፍቅር ጥሬ እቃ፣ መሸመቺያ ትክክለኛ ወቅት ወይ ደቂቃ፣ ልብ ዘና ሳይል በሙዚቃ! የጋብቻችሁ የፀሐይ ብርሃን ወቅት ወይ የጫጉላ ሽርሽር፣ ሲቀየር ወደ ውሽንፍር፣ እጅ ለእጅ ተያይዛችሁ፣ ወጀብ ትቋቋማላችሁ! ደግሞም ተደጋግፋችሁ፣ ቀጥ ያለ ዳገት ትወጣላችሁ፣ መብረቅ ሲያጓራ በላያችሁ - በሰማያዊ እርዳታና ፍቅር በእምነትና ተስፋ ጭምር! የወይን ብርጭቆ ማጋጨት፣ የአበባ እቅፍ መሠጣጠት፣ የፍቅርን ህልም እውን አያደርገውም በውነት! የሚጋሩት ችግር የእንባ ዘለላ መስዋዕትነት፣ ያስፈልጋል ለፍቅር ውበት፣ ሙቀት ደሞም ድምቀት ለመስጠት! ምድራዊ ሐሴት ነገር፣ ወደሰማያዊ ፀጋ ለመቀየር! (በሄለን ስቲነር ራይስ፣ ትርጉም ዓለም ኃይሉ, Poetry Ad-Free Upgrades Vote for this poem
|
|
| |||||||||||||||||||
|